Ujyaalo Live

अर्घाखाँचीमा प्रदेश सरकारको पुंजिगत तर्फको ३२ करोड बढी बजेट फ्रिज

भिम विश्वकर्मा,
अर्घाखाँची । अर्घाखाँची जिल्लामा प्रदेश सरकारको पुंजिगत तर्फको बजेट मध्ये ३२ करोड भन्दा बढी बजेट फ्रिज भएको छ ।

कोष तथा लेखा नियन्त्रण कार्यालय अर्घाखाँचीका अनुसार आर्थिक बर्ष २०७८/०७९ मा प्रदेश सरकारको पुंजिगत तर्फको १ अर्ब ६८ करोड १० लाख ७२ हजार बिनियोजित बजेट मध्ये ३२ करोड ३५ लाख १९ हजार ८ सय ५३ रुपैया बजेट फ्रिज भएको हो । चालु तर्फ ६९ करोड ७४ लाख ८७ हजार बिनियोजित बजेट मध्ये १३ करोड २ लाख ८६ हजार ५ सय २ रुपैया बजेट फ्रिज भएको छ ।

यस्तै संघिय सरकारको चालु तर्फको ४ अर्व ९६ करोड ६२ लाख २१ हजार २ सय ७७ बिनियोजित बजेट मध्ये १३ करोड ६ लाख २० हजार २ सय १ रुपैया बजेट फ्रिज भएको छ भने संघिय सरकारको पुंजिगत तर्फ १ अर्ब ७ करोड १६ लाख ३३ हजार ९ सय ८६ बिनियोजित बजेटमा १६ करोड ५९ लाख ५२ हजार ९ सय रुपैयाँ बजेट फ्रिज भएको छ ।

कोष तथा लेखा नियन्त्रण कार्यालय अर्घाखाँचीका कोष नियन्त्रक राजु पाण्डेका अनुसार आर्थिक बर्ष २०७८/०७९ मा जिल्लामा ७० करोड बराबरको राजस्व संकलन भएको छ ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
टिप्पणी

सम्बन्धित खबर

लोकप्रिय

भर्खरै

छुटाउनुभयो कि ?