अर्घाखाँची । लामो समयदेखि बन्द रहेका पाणिनी गाउपालिकाका एम्बुलेन्स संचालनमा आएका छन् ।
विभिन्न कारण संचान बिहिन अवस्थाका एम्बुलेन्स नयाँ भाडादरका साथ संचालनमा आएको पाणिनी गाउँपालिकाका प्रमुख प्रशासकीय अधिकृत हुमलाल भुसालले जानकारी दिए । भुसालका अनुसार गाउँपालिकाको असोज १२ गतेको निर्णय अनुसार नयाँ भडादर सहित संचालनमा ल्याइएको हो ।
यस्तो छ भाडादर
गाउँपालिकाले स्थानीय भाडा स्थान अनुसार रु ५०० देखि १५०० सम्म भाडा निर्धारण गरेको छ ।
यस्तै पाणिनी गाउँपालिका वडा नं. ५,६,७ र ८ देखि संन्धिखर्क सम्म २ हजार रुपैयाँ, पाणिनी गाउँपालिका वडा नं. १, २, ३, ४ र ५ को भर्तीपुर देखी संन्धिखर्क सम्म तीन हजार, पाणिनी गाउँपालिका देखि पाल्पा सम्म ४ हजार ५ सय, पाणिनी गाउँपालिका देखि पाल्पा हुदै बुटवलसम्म ६ हजार ५ सय र पाणिनी गाउँपालिका देखि बुटवल सम्म ५ हजार ५ सय तोकिएको छ ।
साथै अन्य स्थानहरुको हकमा कच्ची बाटो प्रति किलोमिटर ८० र पक्कि बाटो प्रति किलोमिटर ४० रुपैया तोकिएको पालिकाले जनाएको छ ।
गाउँपालिका भित्रका सुत्केरी हुन जाने र फर्कने महिलाहरुको लागि भने भाडा नलाग्ने प्रमुख प्रशासकीय अधिकृत भुसालको भनाइ छ ।