विराटनगर । प्रदेश १ निर्वाचन कार्यालय विराटनगरले बुधबार नमुना मतदान कार्यक्रम गरेर औपचारिक रूपमा मतदाता शिक्षा कार्यक्रम सुरु गरेको छ ।
यसपटकको चुनावमा प्रत्येक मतदाताले चार मतपत्रमध्ये पहिलोमा प्रतिनिधिसभाका प्रत्यक्षतर्फका उम्मेदवारलाई, दोस्रोमा प्रतिनिधिसभाकै समानुपातिकतर्फ मतदान गर्नुपर्ने प्रदेश निर्वाचन अधिकारी लेवनकश्यप अधिकारीले बताए ।
नमुना मतदानसँगै मंसिर १ सम्म प्रत्येक वडामा एक जना महिला स्वास्थ्य स्वयंसेविकाले १५ दिन घरघरमा गएर मतदाता शिक्षा कार्यक्रम सञ्चालन गर्ने उनले बताए । स्थानीय तहको चुनावमा बदर मतको संख्या बढेकाले यसपटक मतदाता शिक्षा कार्यक्रम सञ्चालन गरिएको अधिकारीले बताए ।
महिला स्वास्थ्य स्वयंसेविकाले मतको महत्त्व, मतदान प्रक्रिया, सही तरिकाले मतदान गर्ने विधिको बारेमा मतदातालाई जानकारी दिन यो कार्यक्रम सञ्चालन गरिएको उनको भनाइ छ ।
