अर्घाखाँची । अर्घाखाँची जिल्लामा निर्वाचन लक्षित खटिएका म्यादी प्रहरिहरुलाई बिदाइ गरिएको छ ।
आज बिहिबार एक कार्यक्रमका बिच जिल्लामा खटिएका म्यादी प्रहरिलाइ प्रमाणपत्र बितरण गर्दै बिदाइ गरिएको हो । बिदाइ कार्यक्रम बोल्दै प्रमुख जिल्ला अधिकारी शसिधर घिमिरेले निर्वाचनलाइ स्वच्छ, शान्त र भयरहित ढंगबाट सम्पन्न गराउन सुरक्षाका हिसाबले खेलेको भुमिकाको प्रसंसा गरेका थिए ।
कार्यक्रमका प्रमुख अतिथी जिल्ला न्यायाधीश डा. श्रीकृष्ण भट्टराईले निर्वाचनको समयमा पुराएको योगदानको उच्च मुल्यांकन गर्दै धन्यवाद ज्ञापन गरेका थिए । यो अबधिको सिकाइले सम्पुर्ण म्यादी प्रहरिलाइ उज्जल भबिष्यको लागि समेत सहयोग पुराउने बताए ।
यस्तै जिल्ला प्रहरी कार्यालयका कार्यालय प्रमुख डिएसपि मुकुन्द रिजालले म्यादी प्रहरीलाई धन्यवाद ब्याक्त गर्दै म्यादी प्रहरीको उज्ज्वल भबिष्यको कामना समेत गरेका थिए । यो अबधिमा म्यादी प्रहरीले धेरै कुरा सिकेको भन्दै आफ्नो स्थानमा हुने बिकृती र बिसंगती बिरुद्ध हातेमालो गर्नेमा आफू आशावादी रहेको बताएका थिए ।
अर्घाखाँची जिल्लामा १ हजार १ जना म्यादी प्रहरी खटिएका थिए ।
