spot_img
spot_img

मालारानी गाँउपालिकाद्वारा कृषकको उद्यमशीलता विकासगर्न बाख्रा उपहार

अर्घाखाँची ।        अर्घाखाँचीको मालारानी गाउँपालिकाले स्थानीय कृषक लाई बाख्रा उपहार गरेको छ । आईतवार मालारानी गाउँपालिका वार्ड नं. ४ का १६ जना महिला कृषकहरु लाई प्रति कृषक एक वटाका दरले १६ बाख्रा उपहार गरिएको हो ।
मालारानी कृषि तथा पशु उद्यमशीलता विकास परियोजना अन्र्तरगत गाउँपालिकाल हाल सम्म पाँचसय भन्दा बढि बाख्रा उपहार गरीसकेको गाउँपालिका अध्यक्ष दलबहादुर भट्टराईले जानकरी दिनुभयो ।

कृषकहरुले आफुले बाख्रा प्राप्त गरेपश्चात सोहि बाख्रा बाट उत्पादन लिन थालेपछि प्रतिबाख्रा १ पाठी उपहार प्रदान गर्ने नीतिगत व्यवस्था अनुसार बाख्रा उपहार प्रदान गरिएको गाउँपालिकाले जनाएको छ ।

Workplace

कृषकलाई उद्यमशिल बनाइ आयआर्जन बढाउन र उत्पादित बस्तुको बजारीकरण गर्न मालारानी गाउँपालिका, हेफर प्रोजेक्ट नेपालको आर्थिक सहयोग एवं ग्रामीण तथा सामुदायिक स्वास्थ्य विकास केन्द्रको सहजीकरणमा २०७७ साल चैत्र देखि मालारानी कृषि तथा पशु उद्यमशीलता विकास परियोजना सञ्चालन भईरहेको छ ।

परीयोजनाले कृषकहरुको आबश्यकता र पालीकाको सम्भाव्यताको आधारमा घाँसको विउ तथा बेर्ना,खोर गोठ सुधार,खाद्यान्न तथा तरकारीका विउ वितरण गर्ने साथै पशुको नश्ल सुधारका लागी समेत बिभिन्न कार्यक्रम सञ्चालन गरेको परीयोजना संयोजक दिनेश बेल्वासेले जानकारी गराउनुभयो ।

पालीकामा रहेका तीन सहकारीमा सबै सदस्यलाइ आबद्घ गरी सहकारीको विकास संगै उत्पादीत कृषिउपजको बजारीकरण समेत सहकारी मार्फतनै गर्ने गरी परीयोजना लागी परेको छ ।

परीयोजनाले गाउँपालिकाका सबै वडालाई समेटी एक हजार सातसय महिला कृषक र एक सय यूवा उद्यमि गरी एकहजार आठ सय परीवारमा प्रत्यक्ष कार्यक्रम विस्तार गरेको परीयोजना संयोजक बेल्वासेले जानकारी गराउनुभयो ।

परीयोना मालारानी गाउँपालिको तीन करोड ४७ लाख र हेफर प्रोजेक्ट नेपालको एक करोड १९ लाख ६६ हजार छ सय ६६ गरी चार करोड ६६ लाख ६६ हजार छ सय ६६ रुपैयाको बजेटमा सञ्चालन भइरहेको छ ।

 

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
टिप्पणी

सम्बन्धित खबर

लोकप्रिय

भर्खरै

छुटाउनुभयो कि ?