spot_img
spot_img

अर्घाखाँची : दुई तिहाई शैक्षिकसत्र सकियो, विद्यार्थीले गणित पढ्न पाएनन्

अर्घाखाँची । अर्घाखाँचीको सन्धिखर्क नगरपालिका वडा नंम्बर ३ स्थित बराहनेटा आधारभूत विद्यालयको कक्षा ७ मा शैक्षिकसत्र २०७९ सुरु भएदेखि गणित विषयको पढाई हुनसकेको छैन ।

स्थानीय सरकारको विभेद, विद्यालय व्यवस्थापन समितिको गैरजिम्मेवारी पुर्ण कार्यशैली, विद्यालय प्रशासकको चरम लापरबाही र आपसी बिवादका कारण शिक्षक नियुत्त हुन नसक्दा कक्षा ७ मा अध्ययनरत २३ जना विद्यार्थीहरुले गणित विषय पढ्न नपाएको विद्यालयका सुचना अधिकारी सुदिप केसीले जानकारी दिए ।

Workplace

दुई तिहाई शैक्षिकसत्र सकिदासम्म पनि गणित बिषयको पठनपाठन नहुदा बालबालिकाहरुको भविष्य खतरामा परेको अभिभावक बताउछन् । यता सन्धिखर्क नगरपालिकाबाट भने गणित बिषयको अध्यापनका लागि जिम्मेवारी दिईसकीएको सन्धिखर्क नगरपालिकाकी शिक्षा अधिकृत मन्जु आचार्यको भनाई छ । उनि भन्छिन्, “हामीले गणित बिषय पढाउन भनि सोहि विद्यालयका शिक्षक सुदिप केसीलाई परिपत्र गरेरै जिम्मेवारी दिएका छौँ । तर उहाँले आफ्नो जिम्मेवारी पुरा गर्नु भएन ।”

यस विद्यालयमा शैक्षिकसत्र २०७९ मा कक्षा ०–८ मा कुल १४८ जना विद्यार्थी भर्ना भएका छन् । विद्यालयमा नि.मा.वि तहमा राहत,अनुदान गरी ३ जना, प्रा.वि तहमा स्थायी, अस्थायी, राहत गरी ७ जना, बालविकासमा १ जना र विद्यालय कर्मचारी १ जना गरि कुल १२ जना शिक्षक कर्मचारी कार्यरत छन् ।

Workplace
यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
टिप्पणी

सम्बन्धित खबर

लोकप्रिय

भर्खरै

छुटाउनुभयो कि ?